Af hverju námskeið um kynbundið ofbeldi?
Tilgangurinn með þessu námskeiði er að þátttakendur öðlist dýpri skilning á mikilvægum hugtökum og viðfangsefnum sem varða kynbundið ofbeldi.
Undanfarin ár hefur umræðan um kynferðisofbeldi aukist og þróast heilmikið. Krafan um áhrifameiri forvarnir er komin á dagskrá og með #metoo varð áherslan á gerendur ásamt kröfunni um þátttöku karla í baráttunni gegn kynbundnu ofbeldi meira áberandi.
Byltingar síðustu ára:
Druslugangan, #freethenipple, #konurtala, Styttum Svartnættið, #metoo, #höfumhátt, #metoo2
Hefur umræðan aukist og þróast nóg?
Erum við öll að taka þátt í henni?
Hvað hefur komið fram í þessum byltingum?
- Kynferðisofbeldi er alvarlegasta birtingarmynd kynjamisréttis, en er bara hluti af þeirri mismunun sem konur verða fyrir á hverjum degi
- Þessi veruleiki hefur áhrif á líf flestra kvenna
- Birtingarmyndir kynferðisofbeldis eru mjög margar og fjölbreyttar
- Kynferðisleg áreitni er algengari og afleiðingar þess alvarlegri en almennt er talað er um
- Aukin umræða hefur varpað ljósi á valdamun og mismunandi birtingarmyndir valdamisbeitingar
- Ofbeldi karla gegn konum er mjög umfangsmikið og við höfum bara séð lítinn hluta vandans
Erum við karlar að takast á við ofbeldi karla gegn konum?
- Erum við karlar meðvitaðir um reynsluheim kvenna?
- Erum við að meðtaka hversu umfangsmikil mismunun gagnvart konum er?
- Erum við meðvitaðir um eðli og afleiðingar kynferðisofbeldis?
- Hvað erum við karlar að gera?
- Hvað ætlum við að gera?
Ætlum við að vera hluti af vandanum eða lausninni?
Hvernig styðjum við betur við brotaþola?
Hvert er hlutverk karla í umræðunni um kynbundið ofbeldi?
Hvernig virkjum við fleiri karla í baráttunni gegn kynferðisofbeldi?
Fræðsla
Nánar um námskeiðið
Spila
Námskeiðið er hugsað fyrir karla sem hafa áhuga á að taka þátt í umræðunni gegn kynbundnu ofbeldi. Eitt af markmiðum námskeiðsins er að skapa rými þar sem karlar fái tækifæri til að ræða þennan málaflokk með öðrum áhugasömum körlum
